12 حقيقه و12 سبب للموت

السلأم عليكـم






1- حادثة ( الدعارة ) المتهم فيها ناس منذ شهور مضت بتهمة "تبادل الزوجات" أثبتت إن الخنزير موش بس الحيوان الوحيد اللى موش بيغير على مراته .

2- المواطن المصري أثبت إنه مستعد للتضحية بروحه فى سبيل البلد ، والدليل شربه ليل ونهار من مية الحنفية ( إنا لله وإنا إليه راجعون ) تحيااااا مصر .





3- بعض رجال الأعمال أثبتوا إنهم قادرون على تغيير قواعد النحو ، فعلامة النصب عندهم موش "الفتحة" ولكن " المليارات اللى في سويسرا" .



4- خالد يوسف قارن بين الأداء الضعيف لهيفاء وهبي فى ( دكان شحاتة) وبين الأداء الضعيف لـ( سعاد حسني) فى أول ظهور سينمائي لها وهو ( حسن ونعيمة) ليثبت إنه قادر مع هيفاء وهبي على تطبيق قاعدة ( يعمل من الفسيخ شربات ) .



5- الحكومة أثبتت إن الامثال الشعبية اللى بتتناول الحياة الزوجية تصلح فى السياسة ، فبعض السياسيين يرفضون النقد لأن ( اللى جوزها يقول لها يا عورة جيرانها يلعبوا بيها الكورة ).



6- أثبتت جملة الزعيم مصطفى كامل "لا يأس مع الحياة " صدقها مع المواطن المصري ، فاللى فشل فى دخول كلية الطب يكفيه أن يكون "سباك" ليحصل على لقب " دكتور" لأنه طبعا بيكشف على المواسير ، واللى فشل فى دخول كلية الهندسة يكفيه أن يكون "سائقا" ليأخذ لقب "باشمهندس" ( أى حتة على جمب يا باشمهندس).



7- عندما يقع الرجل المصري فى الحب يبدأ يجيب فى دباديب .. ويقطع تذاكر سينمات .. ويجيب فى هدايا ثم إذ فجأة بعد سنة من الزواج وفى غمضة عين تتحول زوجته من رشاقة سعاد حسنى إلى بكابوظة إثباتاً لنظرية "التطور الطبيعي للحاجة الساقعة " .



8- المواطن المصري هو مكتشف وصاحب براءة إختراع نظرية " يا عم إحنا أحسن من غيرنا " مع إن خلاص مبأش فيه غيرنا إحنا أصبحنا فى أخر الخط .



9- المطافي فى بلدنا حاجة جامدة جدا ففى حادثة إحتراق أتوبيس فاضي جاءت المطافي بسرعة البرق ولا هيلوكوبتر ولاية تكسس وبعد أن طبق رجال المطافي مقولة ( إنتشروا .. إنتشروا ..) كان كل حاجه تمام ورجال المطافي البواسل منتشرون فى كل مكان ولكن المية للأسف لم تنتشر ولم تخرج من الخراطيم لأن الخرانات كانت فاضية إثباتا للحقيقة العلمية المصرية ( هو أنا مغسل وضامن جنة ) .



10- شعبان عبد الرحيم أثبت إن الوصول للعالمية موش محتاج فذلكة فى تقليد مطربين الغرب ، فشعبان موش بس طلع فى ( السى إن إن) ، ولكن أغنيتة ( امريكا يا امريكا ) سمّعت جدا لدرجة إن مطربة أمريكية إسمها (لورين ) ردت على شعبان بأغنية باللغة العامية المصرية بتقول فيها (( أنا جاية من شيكاغو واسمع كلام لورين ..ليه كرهت الامريكان وقولت دول وحوش .. أمريكا من زمان مكنتش عايزة بوش وإييييييييييييييييييه )).



11- فى عام 1989م إنهار سور برلين كنوع من التوحد بين المانيا الشرقية والغربية وفى عام 2009م إنهارت فى مصر صخرة الدويقة على رؤوس أصحابها تطبيقاً لنظرية ( محدش أحسن من حد ) .











12- في تقرير التنافسية الوطني لكفاءة سوق العمل فى مصر لعام 2008- 2009 بيقولك مصر تراجعت للمركز 110 فى إنتشار الفساد بين المسئولين وهبطت 11 مركزا فى اخلاقيات الفساد والمحاباة فى قرارات مسئولية الحكومة و19 مركزا فى إهدار الإنفاق الحكومي ..إثباتاً للمقولة (( والله وعملوها الرجالة )) .